महामारी लागेको थियो - गुलजार

घरतिर कुदेका थिए सबै मजदूर, मिस्त्री
कलपुर्जा बन्द हुन थालेका थिए शहरका सबै
जसमा हातखुट्टा चलिरहन्थे
नत्र जिन्दगी त गाऊँमै रोपेर आएका थिए

त्यो एक दुई कठ्ठा जमिन, या पाँचै कठ्ठा
रोप्नु, फलाउनु सबै त्यहीँ त थियो

गहुँ, धान, मकै, बजार सबै
त्यो अंशबण्डा, काका र ठूल्बाहरूसँग
कुलोको निहुँ, नालीमा हुने झगडा
झगडिया आफ्नै, कहिले उनीहरूका

त्यो हजुरामा, हजुरबाहरूका मुद्दा
विवाह, व्रतबन्ध, चौतारी
पहिरो, बाढी, कहिले झरी त कहिले खडेरी
मर्नेछौँ त्यहीँ गएर जहाँ जिन्दगी छ
यहाँ त शरीर ल्याएर प्लग जोडेका थियौँ !

निकाल्दिए प्लग र तारहरू सबैले
"जाऊँ आफ्नै घर फर्किऊँ"- र हिँडे सबै
मर्नेछौँ त्यहीँ गएर जहाँ जिन्दगी छ !

अनुवाद- सुरेश बडाल